Кыргызстанга чет өлкөлөрдөн которулган акчанын көлөмү быйылкы жылдын биринчи чейрегинде жогорку көрсөткүчкө жетти.
Улуттук банктын маалыматына ылайык, январь-март айларында өлкөгө жалпысынан 700 миллион доллар которулган. Бул көрсөткүч акыркы жылдардагы эң жогорку деңгээлдердин бири болуп эсептелет.
Каражаттын басымдуу бөлүгү Евразиялык экономикалык биримдикке мүчө мамлекеттерден келген. Тактап айтканда, Россия жана Казакстандан Кыргызстанга 645 миллион доллардан ашык акча которулган.
Салыштыруу үчүн айтсак, 2025-жылдын ушул эле мезгилинде өлкөгө сырттан 756 миллион доллар түшкөн.
Адистердин айтымында, эмгек мигранттары жөнөткөн каражаттар өлкөнүн экономикасында жана миңдеген үй-бүлөлөрдүн киреше булагында маанилүү ролду ойноону улантууда.
