.
Бишкекте жөө адамдар өтүүчү жерден окуучуну сүзүп кеткен такси айдоочусу кармалды. Бул тууралуу Милициянын кайгуул кызмат башкармалыгы билдирди.
Окуя 29-январда саат 13:00 чамасында 7-Апрель көчөсүндө болгон. Hyundai Sonata үлгүсүндөгү унаанын айдоочусу жашы жете элек баланы сүзүп, андан соң изин жашырып кеткен. Айдоочу 30-январда кармалып, Бишкек ШИИББдин Тергөө кызматына жеткирилди.
Социалдык тармактарда окуянын видеосу тараган, анда таксист жол чырагынын кызыл жарыгы күйүп турганына карабай окуучуну сүзүп кеткени көрүнөт.
