.
Бишкекте 20 жаштагы жигит унаа уурдоого шектелип кармалды. Бул тууралуу бүгүн, 30-январда борбор калаанын милициясы билдирди.
Маалыматка ылайык, ал 17-январда болжол менен саат 23:30 чамасында Зеленая көчөсүндөгү жеке үйдүн жанында токтоп турган Volkswagen Polo үлгүсүндөгү унааны айдап кетип калган. Бул факт боюнча Кылмыш-жаза кодексинин 211-беренеси (Унаа уурдоо) боюнча кылмыш иши козголгон.
Шектүүнүн мурда бир нече жолу кылмыш жоопкерчилигине тартылганы аныкталган. Ал колго түшкөндө унааны уурдагандан кийин калтырып кеткен жерин көрсөтүп берген. Учурда тергөө иштери уланууда.
