Бүгүн, 2025-жылдын 3-апрелинде Ош шаарындагы Жусуп Баласагын атындагы Кыргыз Улуттук Университетинин (КУУ) гуманитардык-табигый илимдер факультетинде жогорку окуу жайлар аралык мамлекеттик тил боюнча студенттик олимпиаданын ачылыш аземи болуп өттү. Бул маанилүү иш-чара КУУнун 100 жылдыгына жана улуу кыргыз акыны Алыкул Осмоновдун 110 жылдыгына арналды. Олимпиаданын ачылышын КУУнун ректору, профессор Д. Т. Чонтоев куттуктоо сөзү менен баштап, катышуучуларга мамлекеттик тилдин мааниси, улуттук баа
Бүгүн, 2025-жылдын 3-апрелинде Ош шаарындагы Жусуп Баласагын атындагы Кыргыз Улуттук Университетинин (КУУ) гуманитардык-табигый илимдер факультетинде жогорку окуу жайлар аралык мамлекеттик тил боюнча студенттик олимпиаданын ачылыш аземи болуп өттү. Бул маанилүү иш-чара КУУнун 100 жылдыгына жана улуу кыргыз акыны Алыкул Осмоновдун 110 жылдыгына арналды.
Олимпиаданын ачылышын КУУнун ректору, профессор Д. Т. Чонтоев куттуктоо сөзү менен баштап, катышуучуларга мамлекеттик тилдин мааниси, улуттук баалуулуктар жана университетте акыркы убакта болуп жаткан жаңылануулар тууралуу кеңири маалымат берди. Ректор, ошондой эле, университетте жума күндөрү улуттук кийим кийүү демилгеси ийгиликтүү ишке ашып жатканын белгилеп, бул кадам улуттук дөөлөттөрдү сактоого жана жайылтууга багытталгандыгын баса белгиледи.
Д. Т. Чонтоев өз сөзүндө КУУнун 100 жылдык тарыхында өлкөнүн ар тараптуу өнүгүшүнө салым кошкон көптөгөн мыкты адистерди даярдап чыгаргандыгын сыймыктануу менен айтты. Алдыда боло турган юбилейлик иш-чаралар, басылып чыга турган китептер, окуу куралдары жана ишке ашырыла турган илимий долбоорлор тууралуу да толук маалымат берди.
Иш сапарынын жүрүшүндө ректор КУУнун Оштогу филиалынын материалдык-техникалык базасы менен таанышып, факультеттин көйгөйлөрүн укту. Ал КУУнун түштүк аймагында өзүнчө филиалынын ачылышынын зарылдыгын колдоорун билдирип, ар тараптуу жардам көрсөтүүгө даяр экендигин айтты.
Салтанаттуу иш-чаранын соңунда, КУУнун 100 жылдыгына карата университеттин туусу ак тилектер менен факультеттин жетекчилигине тапшырылды. Андан соң ректор баштаган делегация филиалдын аймагына арча көчөттөрүн отургузуп, жакшы саамалыкка өздөрүнүн салымын кошушту.
