.
Кыргызстандын Тышкы иштер министрлигинин Консулдук департаментинин директору Сейтек Жумакадыр уулу АКШнын Кыргызстандагы элчилигинин консулдук бөлүмүнүн жетекчиси Кейт Коллинз менен жолугушту.
ТИМдин маалыматына ылайык, жолугушууда консулдук тармактагы эки тараптуу кызматташуунун актуалдуу маселелери талкууланып, өзгөчө АКШнын визалык саясатындагы акыркы өзгөрүүлөргө көңүл бурулду.
Кыргыз тарап визалык маселелер боюнча өз ара кабыл алынуучу ыкмаларды иштеп чыгуу үчүн конструктивдүү диалогду улантуунун маанилүүлүгүн белгиледи. Ал эми америкалык тарап Кыргызстандын жарандары тарабынан визалык режимдин сакталышына байланышкан айрым маселелерди көтөрүп, мындан аркы кызматташууга кызыкдар экенин билдирди.
Жыйынтыгында тараптар консулдук багыттагы кызматташууну мындан ары да бекемдөөгө даяр экендиктерин тастыкташты.
