"Басмакана" аттуу көргөзмө ачылат
16-май Тургунбай Садыков атындагы Ош облустук көркөм сүрөт музейинде «Басмакана» аттуу көргөзмө ачылат. Иш-чара «Көчмө китепкана: Кыргызстан» долбоорунун жыйынтыктоочу ачык программасы болуп саналат.Көргөзмө зиндер, самиздат, автордук басылмалар жана көз карандысыз көркөм басма маданиятына арналган. Ал басма формаларын көркөм жана сынчыл ой жүгүртүүнү билдирүүнүн өзгөчө каражаты катары изилдейт.Экспозицияда сүрөтчүлөрдүн, изилдөөчүлөрдүн жана студенттердин автордук зиндери, жамааттык басылмалары, визуалдык күндөлүктөрү, ошондой эле тексттик жана изилдөөчү материалдары көрсөтүлөт. Бул эмгектер чакан нускадагы басма аркылуу жеке окуяларды, эстутумду, жергиликтүү контекстти жана эксперименталдык жазууну чагылдырат.Көргөзмөнүн өзгөчө бөлүгүн Бишкек заманбап искусство мектебинин «Аралаш» зиндер жыйнагы түзөт. Бул басылма заманбап искусство процесстерине арналган жана акыркы алты жыл ичинде 13 чыгарылышта жарык көргөн. Алар көргөзмөлөрдүн, фестивалдардын, арт-экспедициялардын жана изилдөөлөрдүн негизинде түзүлгөн.«Көчмө китепкана: Кыргызстан» долбоору Бишкек заманбап искусство мектеби тарабынан Азия Искусствосунун Архиви менен өнөктөштүктө ишке ашырылып, Борбор Азияда заманбап искусство, билим алмашуу жана көз карандысыз басма практикаларын өнүктүрүүгө багытталган.Күнү: 16-майСаат: 17:00Дареги: Тургунбай Садыков атындагы Ош облустук көркөм сүрөт музейи
