Кыргыз Республикасынын Министрлер Кабинетине караштуу Жазаларды аткаруу мамлекеттик кызматынын Кайтаруу жана конвой департаментинин аскер кызматчысы адам өмүрүн сактап калды.
видео
Подполковник Ажыматов Улан үй-бүлөсү менен эс алып жүргөн учурда бассейнде чөгүп бара жаткан өспүрүм кызды байкап калган. Ал ыкчам аракет кылып, кызды суудан чыгарып, медициналык кызматкерлер келгенге чейин биринчи жардам көрсөтүп, эс-учун жоготкон баланы эсине келтирүүгө жетишкен.
Анын ыкчамдыгы, кайраттуулугу жана жоопкерчиликтүү мамилеси өспүрүмдүн өмүрүн сактап калууга жардам берди. Кайтаруу жана конвой департаменти мындай аракеттер кызматкерлердин жогорку даярдыгын жана адамгерчилик сапаттарын көрсөтөрүн белгилейт.
6 жаштагы Айыманын ата-энеси аскер кызматчысына жана анын үй-бүлөсүнө ыраазычылык билдирип, белектерин тапшырышты. Ошондой эле алар департаменттин жетекчилиги менен жолугушуп, офицердин аракетин жогору баалашты.
Бул окуя аскер кызматчыларынын кесипкөйлүгүн гана эмес, алардын ар кандай кырдаалда жардам берүүгө даяр экендигин жана коом алдындагы жоопкерчилигин айкын көрсөтөт.
