Реюньон аралында жайгашкан активдүү Питон-де-ла-Фурнез жанар тоосу атылып, лава агымдары негизги унаа жолдордун бирин жаап салды. Бул тууралуу чет элдик басылмалар билдирип, окуянын видеолорун жарыялашты.
Жанар тоо
Маалыматка караганда, лава океан тарапка агып барып, жолду кесип өткөн. Мунун кесепетинен аталган аймактагы унаа кыймылы убактылуу токтотулган.
Жанар тоо атылган аймакта туруктуу калк жашабагандыктан, адамдар үчүн түз коркунуч жаралган жок. Бирок социалдык тармактарда тараган видеолордон лаванын агымын өз көзү менен көрүү үчүн көптөгөн адамдар ошол жерге барганын байкоого болот.
Учурда тиешелүү кызматтар абалды көзөмөлдөп, коопсуздук чараларын күчөтүшүүдө.
