.
Кыргызстанда расмий каттоодо турган автоунаалардын саны 1 миллион 909 миңге жетти, деп билдирди Жаратылыш ресурстары, экология жана техникалык көзөмөл министри Медер Машиев. Соңку жылдары транспорттун саны 13%га өскөн, бул экологиялык көйгөйлөрдү күчөтүүдө.
Автопарктагы унаалардын курамы: бензин – 972 миң, дизель – 339 миң, газ – 56 миң, гибрид – 37 миң. Электромобилдер дагы жайлап өсүүдө: 2025-жылы өлкөгө 15 278 электр унаасы алынып келген, жалпы автоунаалардын 0,8%ын түзөт.
Медер Машиев ошондой эле Бишкектин коомдук транспортундагы абалды белгиледи: 1 447 газ менен жүрүүчү автобус, 120 электробус жана 12 стандарттуу 12 метрлик автобус бар. Электромобилдерди кубаттоо үчүн өлкө боюнча 100дөн ашык станция орнотулган.
