.
Жогорку Кеңештин депутаты Акылбек Түмөнбаев "Мамлекеттик жөлөкпулдар жөнүндө" мыйзамга өзгөртүүлөрдү киргизүү жөнүндө мыйзам долбоорун иштеп чыкты. Документ парламенттин сайтында коомдук талкууга коюлду.
Мыйзамда "Бийик тоолуу аймактардын жашоочуларына көмөк" ар айлык жөлөкпул жобосуна толуктоо киргизүү керектиги жазылган. Анда 2026-жылдан баштап өлкөнүн бийик тоолуу жана алыскы, жетүүгө кыйын аймактарында жашаган үй-бүлөлөргө үчүнчү жана андан кийинки ар бир бала төрөлгөндөн баштап, алар 3 жашка чыкканга чейин айына 3000 миң сомдон жөлөкпул берүү каралган болчу.
Депутат бул адилеттүүлүккө жатпастыгын белгилеп, андай аймактагы үй-бүлөлөрдүн 2026-жылга чейин төрөлгөн үчүнчү жана андан кийинки балдарына да берилиши керектигин белгилеген. Ал үчүн бала үч жашка чыга элек болушу керек.
Ошондой эле документте баатыр энелерге берилип келген жөлөкпулдан тышкары, кошумча 5000 сомдон берүүнү сунуштайт.
