.
30-январдан 1-февралга чейин Бишкек шаарында балдар жана өспүрүмдөр арасында чоң теннис боюнча турнир өтөт. Мелдештер T-Club теннис кортторунда (Бишкек шаары, Токтогула көчөсү, 75) өткөрүлөт.
Турнирдин салтанаттуу ачылышы 30-январь, жума күнү саат 12:00дө өтөт. Ачылыш аземине Кыргыз Республикасынын Министрлер Кабинетинин алдында Физкультура жана спорт мамлекеттик агенттигинин директору Молдажиев Казыбек Илияскарович почёттуу конок катары катышат.
Турнирди Кыргыз Республикасынын Теннис федерациясы уюштуруп, Физкультура жана спорт мамлекеттик агенттигинин колдоосу менен өткөрөт.
Турнирдин директору — Таштаналиева Кундуз Дүйшенбековна.
Мелдештин башкы калысы — Холковская Алевтина Валентиновна.
Турнир төмөнкү жаш категориялары боюнча өтөт:
* 12 жашка чейинкилер (12U);
* 14 жашка чейинкилер (14U);
* 16 жашка чейинкилер (16U).
Катышуучулардын саны чектелген эмес.
Мелдештер жеке беттеш форматында өтөт. Оюндун эрежеси — эки утулууга чейин 8 геймге чейинки бир сет, бул катышуучуларга көбүрөөк оюн тажрыйбасын жана мелдештик көндүмдөрдү алуу мүмкүнчүлүгүн берет.
Турнирдин жыйынтыгында ар бир жаш категориясында 1-, 2- жана 3-орунга ээ болгон катышуучулар кубоктор, грамоталар жана эстелик сыйлыктар менен сыйланышат.
Мындан тышкары, 5-, 9- жана 17-орундар атайын сыйлыктар менен белгиленет.
Бул турнир улуттук рейтингди түзүүнүн старттык этабы болуп эсептелет жана Кыргыз Республикасында балдар жана өспүрүмдөр теннисинин өнүгүүсү үчүн маанилүү экенин көрсөтөт.
Турнирдин негизги максаттары жана милдеттери — балдар жана өспүрүмдөр арасында чоң теннисти өнүктүрүү жана популяризациялоо, саламат жашоо образын жайылтуу, өспүрүмдөрдүн ден соолугун чыңдоо, балдарды жана өспүрүмдөрдү спортко жана физикалык активдүүлүккө тартуу, ошондой эле келечектеги таланттуу спортчуларды аныктоо жана алардын келечектеги спорттук жана кесиптик өсүүсүн камсыз кылуу.
