Кыргызстандын Конституциялык сотунун Соттук коллегиясы 16 жашка чыккан балдар үчүн матроний/матчество институтун өнүктүрүү зарылдыгын тааныды. Бул тууралуу эки жарым жылдан бери өлкөнүн мамлекеттик органдары менен соттошуп жүргөн активист Алтын Капалова өз баракчасына билдирди. Капалова Конституциялык соттун Соттук коллегиясынын чечиминде эки пункт бар экенин айтты. Биринчи пункт, ар бир бойго жеткен кыргызстандык атасынын атын эмес, апасынын […]
Кыргызстандын Конституциялык сотунун Соттук коллегиясы 16 жашка чыккан балдар үчүн матроний/матчество институтун өнүктүрүү зарылдыгын тааныды. Бул тууралуу эки жарым жылдан бери өлкөнүн мамлекеттик органдары менен соттошуп жүргөн активист Алтын Капалова өз баракчасына билдирди.
Капалова Конституциялык соттун Соттук коллегиясынын чечиминде эки пункт бар экенин айтты. Биринчи пункт, ар бир бойго жеткен кыргызстандык атасынын атын эмес, апасынын атын ала алат дегенге байланыштуу.
«Кыргыз Республикасынын Конституциялык сотунун токтому: Министрлер Кабинети талашып жаткан нормаларды текшерүүнүн алкагында табылган укуктук боштукту толтурууга багытталган, колдонуудагы ченемдик укуктук актыларга тиешелүү өзгөртүүлөрдү киргизүү жөнүндө теңдиктин принциптерин бузуу жана жынысы боюнча басмырлоого тыюу салуу үчүн тандоого жөндөмдүү бала атасынын же апасынын атын алганга институт тандоо укугун берет. Чечим акыркы болуп саналат.
Даттанууга жатпайт. Жарыяланган учурдан тартып күчүнө кирет. Чечим бардык мамлекеттик органдар, жергиликтүү өз алдынча башкаруу органдары, кызмат адамдары, коомдук бирикмелер, юридикалык жана жеке жактар үчүн милдеттүү жана республиканын бүткүл аймагында аткарылууга тийиш. Бул чечим мамлекеттик бийлик органдарынын расмий басылмаларына, Конституциялык соттун веб-сайтына жана Кыргыз Республикасынын Конституциялык сотунда жарыялансын.
Башкача айтканда, матчествону каалаган жашы 16ден ашкан жаран ала алат. Бул чечими үчүн Кыргыз Республикасынын Конституциялык сотуна ыраазычылык билдирип, мындай деп жазган:
«Жакында паспорт алганы бара турган, 16 жаштагы уулум Капалов Данияр Алтыновичти куттуктайм. Мени өзгөчө Конституциялык соттун «матчество институту» деген сөздөрү кубандырды», — деди Капалова.
Бирок, экинчи пункт боюнча Конституциялык сот жашы 18ден ашпаган жарандарга апасынын фамилиясын алууга уруксат бербегенин активист айтып, тең укуктуулукту сактоо үчүн болгон аракетин жумшаарын кошумчалады.
«Бул биздин жеңиш. Алдыдагы жол бир аз оор болот бирок мен мунун аягына чыгам. Келечекте кызым жана жээндерим өздөрүнү атын балдарына бере ала тургандай кылам», — деген ал.
Булак: Кактус медиа
