Президенттин маалымат кызматы акча-кредит саясаты чөйрөсүндөгү жетишсиз иштер валюта курсунун туруксуздугуна алып келгенин айтып, бул экономикага терс таасир эткенин белгилеген.
Улуттук банктын төрагасынын орун басары Манас Жакыпов ишеним жоготкондугуна байланыштуу кызматынан бошотулса, жетекчилик курамды талаптагыдай координациялабагандыгы үчүн төрага Мелис Тургунбаев сөгүш алган. Дагы бир орун басары Кайып Куленбеков берген арызынан улам иштен кеткен.
Өлкө башчы мындай чечимди финансы рыногунун жакшы иштешин калыбына келтирүү жана натыйжалуу башкарууга кайтуу үчүн кабыл алган.
