.
2025-жылдын IV чейрегинин жыйынтыгы боюнча Кыргызстанда жүгүртүүдөгү накталай акчанын көлөмү өсүп, коммерциялык банктардын кассалары аркылуу накталай каражаттардын түшүүсү жана берилиши көбөйгөнү катталды.
Улуттук банктын маалыматына караганда, 2026-жылдын 1-январына карата жүгүртүүдөгү акчанын жалпы суммасы 300 млрд 778,3 млн сомду түздү. Анын ичинен 36 млрд 166,7 млн сом коммерциялык банктардын кассаларында, ал эми 264 млрд 611,6 млн сом банк тутумунан тышкары колдонулуп жатат. Бул өткөн жылдын тиешелүү мезгилине салыштырганда 51 млрд 822,1 млн сомго же 24,4 пайызга көп.
2025-жылдын IV чейрегинде коммерциялык банктардын кассаларына республиканын бүтүндөй аймагынан 1 трлн 680 млрд 175,6 млн сом келип түшкөн. Бул көрсөткүч 2024-жылдын IV чейрегине салыштырганда 264 млрд 920,6 млн сомго же 18,7 пайызга жогору.
Коммерциялык банктардагы мекемелердин кассаларына нак акчанын келип түшүүсүнүн өзгөрүүсү төмөндөгү графикте көрсөтүлгөн.
