Шаршембиде Иранда күйөөсүн өлтүргөн деп өлүм жазасына кесилип, он жыл абакта отурган «бала колукту» атыккан 29 жаштагы Самира Сабзианга даргага асылган. Ал быйыл Иран бийлиги тарабынан өлүм жазасына тартылган он сегизинчи аял болуп калды. Өлүм жазасы Тегерандын чет жакасындагы Каражда, өлкөдөгү эң чоң түрмөлөрдүн бири болгон Гезел Хесар түрмөсүндө болгонун Норвегияда жайгашкан Ирандын Адам укуктары […]
Шаршембиде Иранда күйөөсүн өлтүргөн деп өлүм жазасына кесилип, он жыл абакта отурган «бала колукту» атыккан 29 жаштагы Самира Сабзианга даргага асылган.
Ал быйыл Иран бийлиги тарабынан өлүм жазасына тартылган он сегизинчи аял болуп калды. Өлүм жазасы Тегерандын чет жакасындагы Каражда, өлкөдөгү эң чоң түрмөлөрдүн бири болгон Гезел Хесар түрмөсүндө болгонун Норвегияда жайгашкан Ирандын Адам укуктары боюнча уюму (IHR) билдирди. Бул тууралуу ирандык басылмалар кабарлашпайт жана бийлик тарабынан да расмий ырасталган жок.
Самира 15 жашында турмушка чыгып, жакындарынын айтымында, үй-бүлөлүк зордук-зомбулукка системалуу түрдө дуушар болгон.
19 жашында ал камакка алынып, күйөөсүн өлтүргөн деп айыпталган. Сот аны дароо өлүм жазасына кескен, бирок анын аткарылышы бир катар бюрократиялык себептерден улам кечеңдеген. Кармалган маалда анын эки баласы (алардын бири ымыркай) бар болчу, ага акыркы он жылда өлүм жазасына тартылар алдында гана бир гана жолу көрүүгө уруксат берилген.
«Самира көп жылдар бою гендердик апартеиддин, жаш балдардын никесинин жана үй-бүлөлүк зордук-зомбулуктун курмандыгы болгон жана бүгүн ал бул режимдин жөндөмсүз жана коррупциялашкан өлтүрүүчү машинасынын курмандыгы болуп калды» деди IHR башчысы Махмуд-Амири Могаддам.
