4-декабрь — «Манас» эпосунун күнүнө карата өлкө аймагында бир катар мамлекеттик иш-чаралар өтөт. Бул тууралуу «Кабар» агенттигинде өткөн маалымат жыйынында «Манас» Кыргыз мамлекеттик театрынын директору Азиз Биймурза уулу билдирди. Анын айтымында, иш-чаралар Улуттук илимдер академиясы, КР президентине караштуу «Мурас» фондусу жана Эл аралык Кыргыз-Түрк «Манас» университети менен биргеликте уюштурулууда. «Ошентип, 20-ноябрдан тарта 
4-декабрь — «Манас» эпосунун күнүнө карата өлкө аймагында бир катар мамлекеттик иш-чаралар өтөт. Бул тууралуу «Кабар» агенттигинде өткөн маалымат жыйынында «Манас» Кыргыз мамлекеттик театрынын директору Азиз Биймурза уулу билдирди.
Анын айтымында, иш-чаралар Улуттук илимдер академиясы, КР президентине караштуу «Мурас» фондусу жана Эл аралык Кыргыз-Түрк «Манас» университети менен биргеликте уюштурулууда.
«Ошентип, 20-ноябрдан тарта «Манас» эпосунун күнүн утурлай манас айтуу күндөрү уланып, «Манас» темасына арналган бир катар китептердин бет ачарлары, эпостогу философия, Манас баатырдын тарыхый каарман болгондогусу жана башкалар боюнча илимий-практикалык конференциялар өтөт.
Ошондой эле 21-ноябрда Каракөл шаарында манас айтуу боюнча эл аралык сынак өтүп, ага Өзбекстан, Кытай, Түркия жана Казакстандан манасчылар катышат», — деди ал.
Биймурза уулу кошумчалагандай, 3-декабрда «Манас» театрында республиканын аймагындагы 30 жашка чейинки 100гө жакын жаш манасчылар 12 саат бою манас айтышат.
«Ал эми 4-декабрда «Манас» эпосунун күнү Т.Сатылганов атындагы Кыргыз улуттук филармониясында башталып расмий башталып, андан кийин Жогорку Кеңеште уланып, кечинде А.Малдыбаев атындагы опера жана балет театрында айтыш менен жыйынтыкталмакчы», — деди ал.
