Кыргызстандын грек-рим күрөшү боюнча курама командасынын мүчөсү Асан Жанышов Испаниянын Понтеведра шаарында өтүп жаткан U-20 дүйнө чемпионатында алтын медаль утуп алды.
Балбан турнирге 87 кг чейинки салмак категориясында катышты. Ал алгачкы беттеште грузиялык Ачико Боквадзени 11:3, чейрек финалда швециялык Хамза Сертканлини 7:3, ал эми жарым финалда румыниялык Патрик Горданды 8:0 эсебинде жеңген.
Кыргыз балбаны алтын медаль үчүн күрөштө азербайжандык Жоджу Самадов менен кез келип, аны 8:0 эсебинде жеңип, алтын медалдын ээси болду.
Ал эми турнирге 130 кг чейинки салмак категориясында катышып жаткан кыргызстандык балбан Самаган Ормонов коло байгеге татыды.
