Маалыматка ылайык, ал акыркы бир нече жыл ичинде узакка созулган оор дарт менен күрөшүп келген
Жогорку Кеңештин мурдагы депутаты, Бишкек шаардык кеңешинин экс-спикери Марат Аманкулов дүйнө салды. Бул тууралуу жакындары жана ишенимдүү булактар билдиришти.
Маалыматка ылайык, ал акыркы бир нече жыл ичинде узакка созулган оор дарт менен күрөшүп келген. Дарыгерлердин көзөмөлүндө болуп, дарыланганына карабастан, оорунун айынан көз жумганы айтылууда.
Марат Аманкулов Кыргызстандагы коомдук-саясий турмушка активдүү катышып, Жогорку Кеңештин депутаты катары, ошондой эле Бишкек шаардык кеңешин жетектеп турган мезгилде бир катар маанилүү чечимдердин кабыл алынышына салым кошкон.
Маркум 55 жашта эле. Аны менен коштошуу зыйнаты жана акыркы сапарга узатуу бүгүн, 2-январда өтөт. Туугандарына, жакындарына жана кесиптештерине терең кайгыруу менен көңүл айтабыз.
