Президенттин Ош облусундагы өкүлү Элчибек Жантаев Түркиянын Кыргызстандагы элчиси Мекин Мустафа Кемаль Окем менен жолукту. Өкүлчүлүктүн маалыматына караганда, жолугушуунун алкагында тараптар Кыргызстан менен Түркиянын, өзгөчө Ош облусу менен болгон достук жана кызматташтык мамилелерин мындан ары тереңдетүү маселелерин талкуулашты. Ошондой эле Түркиянын Кызматташтык жана өнүгүү агенттиги (TİKA) тарабынан Ош облусунда билим берүү, саламаттык сактоо, инфраструктура жана […]
Президенттин Ош облусундагы өкүлү Элчибек Жантаев Түркиянын Кыргызстандагы элчиси Мекин Мустафа Кемаль Окем менен жолукту.
Өкүлчүлүктүн маалыматына караганда, жолугушуунун алкагында тараптар Кыргызстан менен Түркиянын, өзгөчө Ош облусу менен болгон достук жана кызматташтык мамилелерин мындан ары тереңдетүү маселелерин талкуулашты.
Ошондой эле Түркиянын Кызматташтык жана өнүгүү агенттиги (TİKA) тарабынан Ош облусунда билим берүү, саламаттык сактоо, инфраструктура жана маданият тармактарында ишке ашырылып жаткан долбоорлор өзгөчө белгиленди. Тараптар Өзгөн районундагы балык чарбасын өнүктүрүү боюнча TİKA тарабынан көрүлүп жаткан аракеттерге да токтолушту.
Жолугушууда 2024-жылы 263,2 млн АКШ долларын түзгөн Түркия менен Кыргызстандын ортосундагы соода жүгүртүү көлөмүн, экспорт-импорттун түзүмүн жана келечектеги биргелешкен долбоорлор дагы талкууланды. Айрыкча, айыл чарба, кайра иштетүү өнөр жайы, туризм жана суюк травертин өндүрүү тармактарындагы инвестициялык мүмкүнчүлүктөр сунушталды.
