Таштемир Айтбаев 1943-жылы 27-ноябрда Кыргыз ССРинин Тянь-Шань (азыркы Нарын) облусуна караштуу Ак-Талаа районундагы Тоголок Молдо айылында партиялык кызматкердин үй-бүлөсүндө туулган.Балалыгы жана жаштыгы Нарында өткөн. Нарын шаарындагы атактуу В.Чкалов атындагы мектепти, андан соң 1967-жылы Москвадагы Бауман атындагы абройлуу жогорку техникалык окуу жайын бүтүргөн. 1969-жылы Фрунзе (азыркы Бишкек) шаардык комсомолунун Свердлов райондук комитетинин экинчи катчысы, андан кийин […]
Таштемир Айтбаев 1943-жылы 27-ноябрда Кыргыз ССРинин Тянь-Шань (азыркы Нарын) облусуна караштуу Ак-Талаа районундагы Тоголок Молдо айылында партиялык кызматкердин үй-бүлөсүндө туулган.Балалыгы жана жаштыгы Нарында өткөн. Нарын шаарындагы атактуу В.Чкалов атындагы мектепти, андан соң 1967-жылы Москвадагы Бауман атындагы абройлуу жогорку техникалык окуу жайын бүтүргөн. 1969-жылы Фрунзе (азыркы Бишкек) шаардык комсомолунун Свердлов райондук комитетинин экинчи катчысы, андан кийин Фрунзе (азыркы Бишкек) комсомолунун Биринчи Май райондук комитетинин биринчи катчысы болуп шайланган. 1971-1973-жылдары Фрунзе шаардык комитет комсомолунун экинчи катчысы болуп иштеген. 1978-жылдын сентябрь айында Кыргыз ССР Борбордук Комитетинин Лениндик Коммунисттик Жаштар Союзунун биринчи катчысы болуп шайланган.Таштемир Сыдыгалиевич 80-жылдары мамлекеттик коопсуздук органында, 1995-жылдан тартып укук коргоо органдарында, тактап айтканда: Ички иштер министринин орун басары, 1999-жылдан Улуттук коопсуздук министри, 2000-жылдын 30-декабрынан тартып — Ички иштер министри болуп иштеген. 2002-жылдын июлунан тартып – Юстиция министринин орун басары, Жазаларды аткаруу башкы башкармалыгынын начальниги болуп дайындалса, 2005-жылдын 30-мартынан 2006-жылдын 10-майына чейин — Кыргыз Республикасынын Улуттук коопсуздук кызматынын төрагасы болгон.Бул мезгилде Кыргызстандын ички иштер жана улуттук коопсуздук органдарына стратегиялык мамлекеттик милдеттер – коомдук тартипти коргоо жана өлкөдөгү ички саясий кырдаалдын туруктуулугун камсыз кылуу жүктөлгөн.Өлкөнүн көрүнүктүү мамлекеттик жана коомдук ишмери Таштемир Айтбаев үч жолу Кыргыз ССР Жогорку Кеңешинин депутаты болуп шайланган. Мамлекетке сиңирген зор эмгеги үчүн “Ардак Белгиси” ордени, “Даңк” медалдары менен сыйланган, ошондой эле көптөгөн ведомстволук сыйлыктарга жана ардак грамоталарга ээ болгон. Учурда Кыргызстандын Мамлекеттик коопсуздук комитети-УКМКсынын генералдар жана ардагерлер клубунун алкагында коомдук иштерге активдүү катышууда.Таштемир Сыдыгалиевичти Кыргыз Республикасынын Ички иштер министрлигинин жана Кыргыз Республикасынын Ички иштер министрлигинин коллегия мүчөлөрүнүн атынан мааракеси менен чын жүрөктөн куттуктайбыз. Сизге узун өмүр, ден соолук, бакубатчылык жана жан дүйнө тынчтыгын каалайбыз.
