Ош облустар аралык бириккен клиникалык ооруканасынын төрөт стационарында 4 эм жарыкка келди. Бул тууралуу маалыматты башкы дарыгер Асылкан Асанова тастыктады. Аталган оорукананын башкы дарыгери Асылкан Асанованын берген маалыматына караганда, Баткен облусунун Кызыл-Кыя шаарынын тургуну Дильноза Сайдорипова 19-октябрда операция жолу менен 2 уул жана 2 кыз төрөлүп, 1 кызы чарчап калган. Үч эмдин абалы жакшырып, бүгүн, […]
Ош облустар аралык бириккен клиникалык ооруканасынын төрөт стационарында 4 эм жарыкка келди. Бул тууралуу маалыматты башкы дарыгер Асылкан Асанова тастыктады.
Аталган оорукананын башкы дарыгери Асылкан Асанованын берген маалыматына караганда, Баткен облусунун Кызыл-Кыя шаарынын тургуну Дильноза Сайдорипова 19-октябрда операция жолу менен 2 уул жана 2 кыз төрөлүп, 1 кызы чарчап калган.
Үч эмдин абалы жакшырып, бүгүн, 6-ноябрь күнү үйүнө чыгарылып жатат. Салмактары 1 кг 500 грамм, 1 кг 700, 1 кг 700 граммды түзөт. Чарчап калган ымыркайдын салмагы 1 кг 300 грамм болгон. Бул Дильноза айымдын төртүнчү төрөтү, анын буга чейин 3 кызы болгон.
Төрөткө акушер-гинекологдор — Г.Казакова, Т.Заитова, неонатолог дарыгери Ж.Акматова, реаниматолог-анестезиолог А.Капаров, акушер Суранбай кызы М., анестезиолог М.Табакалова, операциялык медайым С.Бодонова баш болгон кызматкерлер катышкан.
