Америкалык Meta корпорациясы Twitter социалдык тармагынын аналогу болгон Threads тиркемесин ишке киргизүүнү пландаштырууда. Бул колдонмо Meta корпорациясына таандык Instagram социалдык тармагы тарабынан иштетилет.
Колдонуучуларга кызыккан адамдарды жана пикирлеш адамдарды ээрчүү, алар менен баарлашуу жана өз идеялары, ой-пикирлери жана чыгармачылыгы менен бөлүшүү мүмкүнчүлүгү берилет.
АКШда Threads колдонмосун бүгүндөн баштап App Store дүкөнүнөн акысыз жүктөп алууга болот.
Эске салсак, Twitterдин ээси Илон Маск социалдык тармактагы билдирүүлөрдү окууга чектөө киргизген. Эми колдонуучулар мурункудай чексиз сандагы твиттерди көрө алышпайт, күнүмдүк чек коюлган.
