56 окуду

/Сокол Медиа/ — Каракол шаарында таштандыларды сорттоочу жана кайра иштетүүчү заводдун курулушу аяктоо алдында турат. Бул маалыматты Каракол шаарынын мэри Эрмат Жумаев тастыктады.

Анын айтымында, буга чейин заводдордун ангарлары курулган. Таштандыларды сорттоочу линия — иштеп жаткан полигондун жанына (Каракол – Пристань автожолу), таштандыларды кайра иштетүүчү линия — “Тазалык” муниципалдык ишканасынын аймагына орнотулат.

«Техниканын 50%ы Караколго алынып келинди, калган бөлүгү чек арада турат. Февраль айынын аягына чейин сорттоочу жана кайра иштетүүчү линиялар орнотулат, марттын аягына чейин заводдор өздөрү ишке кирет. Шаардан күнүнө 20 куб метрге жакын (50 тонна) таштанды чыгарылат. Бул көлөмдүн баарын кайра иштетүүгө болот. Керек болсо заводдордун кубаттуулугун суткасына 100 тоннага чейин көтөрсө болот», — деди Жумаев.

Ал эки-үч жылдын ичинде азыркы таштанды полигону калыбына келтирилет деп ишендирди. Бул убакыт аралыгында таштандынын көбү кайра иштетилет. Ал жерге бак-дарактар ​​отургузулат.

Суроолорго жооп берип жатып мэр жалпысынан эки заводго 135 миллион сом жумшаларын, анын 24 миллиону ангарларды курууга жумшалганын айтты.

Жумаевдин айтымында, каражат республикалык бюджеттен «Каракол-өсүү пункту» долбоорунун алкагында каржыланып, анын негизинде шаарга 885 миллион сом бөлүнөт.

Белгилей кетсек, курулуп жаткан заводдор Кыргызстанда таштандыны сорттогон жана кайра иштеп чыккан биринчи завод болот.

от admin

Добавить комментарий

Ваш адрес email не будет опубликован. Обязательные поля помечены *

Текстти көчүрүп алууга болбойт