Бакай Банк 2024-жылы Парижде өткөн Олимпиада оюндарында өлкө сыймыгына айланган Кыргызстандын спортчуларын салтанаттуу түрдө сыйлады. Атап айтканда, дүйнөлүк спорттук аренадагы жетишкендиктери жалпы эл үчүн үлгү болуп калган спортчулар Айсулуу Тыныбекова, Акжол Махмудов жана Мунарбек Сейитбек уулу сыйланды.
Алардын талыкпаган эмгегине жана спортко берилгендигине ыраазылык катары Бакай Банк ар бир олимпиадачыга 50 000$ суммасындагы акчалай сертификаттарды тапшырды. Мындан тышкары, Банк Мунарбек Сейитбек уулуна өзгөчө сыйлык — Toyota Camry 80 автоунаасын белек кылды.
Бакай Банк эл аралык аренада Кыргызстанды даңазалаган инсандарга колдоо көрсөтүүнү улантууда жана коомду бириктирүүчү күч жана банктын корпоративдик баалуулуктарынын ажырагыс бөлүгү катары спорттун маанисин баса белгилеп келет.
https://www.instagram.com/reel/C-9yFv2sigZ/?igsh=YmlzeWp5ZWs4a21o
