Бүгүн, 9-июлда Ош облустук мамлекеттик администрациясында Жол кыймылынын коопсуздугун камсыздоо бөлүмүнүн кызматкерлеринин, ИИМдин Жол кыймылынын коопсуздугун камсыздоо башкы башкармалыгынын башчысынын орун басары милициянын подполковниги Эмил Жакыповдун, жергиликтүү бийлик өкүлдөрүнүн жана Ош шаары, Ош, Баткен облустарында жүргүнчүлөрдү ташуу менен алектенген мекемелердин жетекчилеринин, жалпы айдоочулардын катышуусунда жыйын өткөрүлдү.Бул тууралуу Ош ШИИБи боюнча милициянын кайгуул кызматы бөлүмүнүн Басма сөз кызматы билдирди.
Жыйындын максаты жеңил автоунаа транспорту менен жүргүнчүлөрдү ташууларды лицензиялоого, автоунаа транспортторуна видеобайкоочу аппараттарды коюу керек экендигине багытталды.
Ошондой эле, айдоочулардын жүргүнчүлөрдүн өмүрүнө жана ден соолугуна жоопкерчилигин жогорулатуу, жол кыймылынын эрежелерин сактоо маселелери көтөрүлдү.
Иш-чаранын жүрүшүндө айдоочулар тарабынан суроолор узатылып, өз убагында жооптор берилди.
