.
Кыргыз Республикасынын Курулуш, архитектура жана турак жай-коммуналдык чарба министрлигине караштуу Турак жай-жарандык курулуш департаментинин алдындагы облустук капиталдык курулуш башкармалыктарында кадрдык өзгөрүүлөр орун алды.
Ага ылайык, Бегалиев Азамат Нурбекович Ысык-Көл облустук капиталдык курулуш башкармалыгынын начальниги болуп дайындалды.
Ошол эле учурда, Нарын облустук капиталдык курулуш башкармалыгынын начальниги өз арызынын негизинде кызмат ордунан бошотулуп, анын ордуна Курманов Давид Усенбекович дайындалды.
Тиешелүү буйрукка Кыргыз Республикасынын Курулуш, архитектура жана турак жай-коммуналдык чарба министри Нурдан Орунтаев кол койду.
Буга чейин Азамат Бегалиев Курулуш, архитектура жана турак жай-коммуналдык чарба министрлигинин Курулуш башкармалыгында иштеген. Ал эми Давид Курманов Ысык-Көл облустук капиталдык курулуш башкармалыгынын начальниги кызматын аркалап келген.
