Бишкекте коопсуздукту сактабаган курулуш компаниясына 200 миң сом айып салынды. Бул тууралуу Курулуш, архитектура жана турак жай-коммуналдык чарба министрлигинен билдиришти. Маалыматка ылайык, Мамлекеттик архитектура-курулуш контролдоо департаменти борбор калаадагы көп кабаттуу турак үйлөрдүн курулуш иштерине техникалык көзөмөл жүргүзүүдө. Бул иш-чаранын алкагында Бишкек шаарынын Табалдиев көчөсү №13 дарегиндеги «Козен» ЖЧКсы тарабынан курулуп жаткан объект текшерилди. Текшерүү учурунд
Бишкекте коопсуздукту сактабаган курулуш компаниясына 200 миң сом айып салынды. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка ылайык, Мамлекеттик архитектура-курулуш контролдоо департаменти борбор калаадагы көп кабаттуу турак үйлөрдүн курулуш иштерине техникалык көзөмөл жүргүзүүдө.
Бул иш-чаранын алкагында Бишкек шаарынын Табалдиев көчөсү №13 дарегиндеги «Козен» ЖЧКсы тарабынан курулуп жаткан объект текшерилди. Текшерүү учурунда объектинин мыйзамдуулугун тастыктаган бирдиктүү паспорттун жоктугу жана коопсуздук техникасы боюнча талаптар сакталбагандыгы аныкталды.
Натыйжада «Козен» ЖЧКга карата Укук бузуулар жөнүндө кодексинин негизинде акт түзүлүп, 200 миң сом өлчөмүндө айып пул салынды.
Булак: Кабар кыргыз улуттук маалымат агенттиги
