Ош шаарынын аймагында жер тилкелер мыйзамсыз менчиктештирилгендиги аныкталып, кылмыш иши козголду. Бул тууралуу Башкы прокуратурадан билдиришти. Ош шаардык прокуратурасы тарабынан жүргүзүлгөн текшерүүдө Ош шаардык мэриясынын ыйгарым укуктуу кызмат адамдары өзүнүн жеке кызыкчылыктары жана материалдык же башка пайда алуу максатында мыйзамсыз жол менен 55,36 гектар айыл чарба жерин «Өнөр жай, транспорт, байланыш, энергетика, коргоо жана башка […]
Ош шаарынын аймагында жер тилкелер мыйзамсыз менчиктештирилгендиги аныкталып, кылмыш иши козголду. Бул тууралуу Башкы прокуратурадан билдиришти.
Ош шаардык прокуратурасы тарабынан жүргүзүлгөн текшерүүдө Ош шаардык мэриясынын ыйгарым укуктуу кызмат адамдары өзүнүн жеке кызыкчылыктары жана материалдык же башка пайда алуу максатында мыйзамсыз жол менен 55,36 гектар айыл чарба жерин «Өнөр жай, транспорт, байланыш, энергетика, коргоо жана башка багыттагы жерлер» категориясына которушкан. Натыйжада мамлекеттин кызыкчылыктарына олуттуу зыян келтиргендиги аныкталган.
Ошону менен бирге, 51,97 гектар айыл чарба багытындагы жерлер мыйзамсыз түрдө жеке менчикке берилип кеткен.
Аталган факты боюнча Ош шаардык прокуратурасы тарабынан КР Кылмыш-жаза кодексинин «Коррупция» беренеси боюнча кылмыш иши козголуп, учурда тергөө амалдары жүргүзүлүүдө.
