Бүгүн 11-августта УКМК төрагасы Камчыбек Ташиев Нарын шаарына иш сапар менен барды. Маалым болгондой, ал жергиликтүү бийлик өкүлдөрүнө атайын техникаларды тапшыруу аземине каты. Иш чаранын жүрүшүндө Ак-Талаа районунун акими Мирлан Камчыбековго октябрь айында болчу иш сапарында Ак-Талаа районуна барып, анын аткарган иштерин текшерээрин айтты. «Кандай жакшыбы? Ак-Талаанын акими болосуңбу? Ак-Талаага кандай техника керек тизмесин даярда. […]
Бүгүн 11-августта УКМК төрагасы Камчыбек Ташиев Нарын шаарына иш сапар менен барды. Маалым болгондой, ал жергиликтүү бийлик өкүлдөрүнө атайын техникаларды тапшыруу аземине каты. Иш чаранын жүрүшүндө Ак-Талаа районунун акими Мирлан Камчыбековго октябрь айында болчу иш сапарында Ак-Талаа районуна барып, анын аткарган иштерин текшерээрин айтты.
«Кандай жакшыбы? Ак-Талаанын акими болосуңбу? Ак-Талаага кандай техника керек тизмесин даярда. Октябрь айында тапшырабыз. Аны деле ушул жерден (Нарын шаарынан) тапшырабызбы же Ак-Талаага баралыбы? Ак-Талаага барбайлыбы бир (акимге карап). Чакырбайсыңбы конокко. Же коркуп жатасыңбы? (Аким “жок” деп жооп берди). Анда даярдан, октябрдын башында Ак-Талаага барабыз. Ак-Талаанын, Баетовду (райондун административдик борбору) бүт жууп-тазалап, лотокторун оңдоп, жолдорун оңдоп, мектептерин актап-сырдап…
Эл менен да жолугушам. Бир эле адам сенин ишиңе нааразычылык айтса, анда чатак болот. Көрдүңбү мына, өзүң тилеп алдың. Ак-Талаага бүт жетекчилерди алып алып, мен өзүм барам. Ушундай техникаларды алып барып тапшырабыз», — деди ал.
