Чет өлкөлүк жаран тарабынан өзгөчө ири өлчөмдө акча каражатын опузалап талап кылуу фактысына бөгөт коюлду. Бул тууралуу УКМКдан билдиришти. Атайын кызмат тарабынан акча каражатын опузалап талап кылуу фактысы боюнча жүргүзүлгөн ыкчам-тергөө иш-чараларынын натыйжасында Ф.В.Г. аттуу Германиянын жараны 10 миң доллар өлчөмүндө акча каражатын алып жаткан жеринен кармалды. Белгилей кетсек, буга чейин Ф.В.Г. материалдык пайда алуу […]
Чет өлкөлүк жаран тарабынан өзгөчө ири өлчөмдө акча каражатын опузалап талап кылуу фактысына бөгөт коюлду. Бул тууралуу УКМКдан билдиришти.
Атайын кызмат тарабынан акча каражатын опузалап талап кылуу фактысы боюнча жүргүзүлгөн ыкчам-тергөө иш-чараларынын натыйжасында Ф.В.Г. аттуу Германиянын жараны 10 миң доллар өлчөмүндө акча каражатын алып жаткан жеринен кармалды.
Белгилей кетсек, буга чейин Ф.В.Г. материалдык пайда алуу максатында, коркутуу жолу менен шантаж жана укук коргоо, сот органдарына кайрылаарын эскертип – чет элдик инвестордон, азыркы учурда Кыргызстандын жараны Н.М.И.ден өзгөчө ири суммадагы накталай акчаны, тактап айтканда 6 млн 200 миң доллар, же Токмок шаарында жайгашкан мүлктөрүн өткөрүп берүүнү талап кылган.
Инвестордун чет өлкөлүк жарандын алдындагы финансылык милдеттенмелерин толук төлөп бергенине карабастан «башка бирөөнүн мүлкүн өткөрүп берүү боюнча мыйзамсыз талаптар» токтогон эмес.
Учурда аталган кылмыштын бардык жагдайларын аныктоого багытталган тергөө-ыкчам иш-чаралары уланууда.
УКМК өлкөнүн мыйзамдарын бузууга жол берилбестигин эскертет. Эгерде кылмыштуу аракеттердин фактылары аныкталса, кылмыштуулукка, анын ичинде жазык-укуктук кылмыштарга карата бөгөт коюу боюнча катаал чаралар көрүлөт.
