КР УКМК тарабынан Талас шаары жана Айтматов, Бакай-Ата, Манас, Талас райондорунун, ошондой эле, курулуш иштерин алып барып жаткан иш аткаруучу уюмдардын жетекчилери менен жыйын өткөрүлдү.Жолугушуунун алкагында, жолдорду тротуарларды жана көрктөндүрүү объектилерин оңдоодо иштин сапатын камсыздоо жана аткаруу мөөнөттөрүн сактоо, эмгек маданияты жана жумушчулардын ишмердүүлүгү боюнча негизги маселелер талкууланды. Өзгөчө, иш аткаруучу уюмдардын жана муниципалдык ишканалардын […]
КР УКМК тарабынан Талас шаары жана Айтматов, Бакай-Ата, Манас, Талас райондорунун, ошондой эле, курулуш иштерин алып барып жаткан иш аткаруучу уюмдардын жетекчилери менен жыйын өткөрүлдү.Жолугушуунун алкагында, жолдорду тротуарларды жана көрктөндүрүү объектилерин оңдоодо иштин сапатын камсыздоо жана аткаруу мөөнөттөрүн сактоо, эмгек маданияты жана жумушчулардын ишмердүүлүгү боюнча негизги маселелер талкууланды. Өзгөчө, иш аткаруучу уюмдардын жана муниципалдык ишканалардын өкүлдөрүнө иш процесстерин үзгүлтүксүз уюштурууга, жумушчулардын сапаттуу ишмердүүлүгүнө жана коомчулукка белгилүү болгон курулуш объектилерин тартипке келтирүү боюнча көбүрөөк көңүл буруу боюнча түшүндүрүлдү.Жыйындын алкагында, муниципалдык кызматкерлер арасында коррупция темасы да көтөрүлдү. Катышуучуларга курулуш иш чараларынын баардык этаптарында тактап айтканда, иш кагаздарды ачык-айкын түзүүдөн баштап курулуш объектилерин кабыл алууга чейин жоопкерчиликтүү мамиле кылуу тууралуу милдеттендирилди.Ошондой эле, мөөнөтү өтүп кеткен, сапаты туура келбеген жана муниципалдык ишкана же мекеме менен подряддык уюмдар ортосунда жашыруун, мыйзамсыз макулдашуулар жана башка коррупциялык укук бузуулар аныкталса, Кыргыз Республикасынын Кылмыш-жаза кодексине ылайык кылмыш жоопкерчилигине тартылары жеткизилди.
