Бишкек шаарындагы Маликов көчөсү 91 дарегиндеги “Мурас Ордо” турак жай комплексинен 77 чек арачы кызматкерге жаңы батирлер тапшырылды. Бул иш-чара “Менин үйүм” турак-жай программасынын алкагында уюштурулду. Бул тууралуу Улуттук коопсуздук мамлекеттик комитетинин Чек ара кызматы маалымдады. Салтанаттуу аземде Министрлер кабинетинин төрагасынын орун басары, УКМК төрагасы Камчыбек Ташиев бул иш-чаранын маанилүүлүгүн баса белгиледи. «Жаңы үйлөрдү жана […]
Бишкек шаарындагы Маликов көчөсү 91 дарегиндеги “Мурас Ордо” турак жай комплексинен 77 чек арачы кызматкерге жаңы батирлер тапшырылды. Бул иш-чара “Менин үйүм” турак-жай программасынын алкагында уюштурулду. Бул тууралуу Улуттук коопсуздук мамлекеттик комитетинин Чек ара кызматы маалымдады.
Салтанаттуу аземде Министрлер кабинетинин төрагасынын орун басары, УКМК төрагасы Камчыбек Ташиев бул иш-чаранын маанилүүлүгүн баса белгиледи.
«Жаңы үйлөрдү жана батирлерди тапшыруу жөн эле ачкычтарды берип коюу эмес, бул сиздердин сиңирген эмгегиңиздерге жана Мекенди коргоодогу жан аябас кызматыңыздарга баа берүү. Сиздердин оңой эмес ишиңерди, чек ара кызматындагы орчундуу кыйынчылыктарды жеңип, ар күн сайын кайраттуу, ак ниет кызмат өтөп келе жатканыңарды мамлекет жогору баалайт», — деди ал.
Кыргызстанда эл аралык стандарттарга жооп берген аскердик жана чек ара инфраструктурасы активдүү курулууда. Республикалык бюджеттен бөлүнгөн каражаттар менен 60тан ашуун объект пайдаланууга берилсе, дагы 30дун курулушу уланууда.
Акыркы беш жылда 570тен ашык чек арачы батир алган. 2025-жылы дагы 100 үй-бүлө Баткен жана Ысык-Көл облустарында турак жайлуу болушу күтүлүүдө. Бишкекте дагы 60 чек арачы жыл аягына чейин батир алышат.
Мындан тышкары, ушул жылдын июнь айында “Бөрү” атайын багыттагы отряды үчүн заманбап аскердик бөлүк да колдонууга берилмекчи. Мунун бардыгы мамлекеттин коргонуу мүмкүнчүлүгүн модернизациялоодо олуттуу кадамдар.
