Балыкчы шаарындагы Green City шаардык пляжына Зевс менен Посейдондун айкелдери орнотулуп, интернет айдыңында кеңири талкуу жаратты. Айкелдер байыркы грек мифологиясынын символу болгон Зевс (асман жана чагылган кудайы) менен Посейдонду (деңиздердин жана сууга ээлик кылуучу кудай) чагылдырат. Айрым социалдык тармак колдонуучулары мындай өзгөрүүлөрдү оң баалап, аларды туристтерди тартууга багытталган ийгиликтүү кадам деп сыпатташууда. “Мындай эстеликтер жана […]
Балыкчы шаарындагы Green City шаардык пляжына Зевс менен Посейдондун айкелдери орнотулуп, интернет айдыңында кеңири талкуу жаратты. Айкелдер байыркы грек мифологиясынын символу болгон Зевс (асман жана чагылган кудайы) менен Посейдонду (деңиздердин жана сууга ээлик кылуучу кудай) чагылдырат.
Айрым социалдык тармак колдонуучулары мындай өзгөрүүлөрдү оң баалап, аларды туристтерди тартууга багытталган ийгиликтүү кадам деп сыпатташууда. “Мындай эстеликтер жана жаңыланган пирс Балыкчынын келбетин өзгөртүп, жаңы тартылуу борборуна айланат” – деп жазган колдонуучулардын бири.
Бирок, айрым жарандар грек кудайларынын образын колдонууга терс көз караш билдиришүүдө. Алар мындай айкелдер Кыргызстандагы маданий контекстке туура келбеши мүмкүн деп эсептешет. “Жергиликтүү маданиятты чагылдырган, улуттук каармандарга арналган эстеликтер болсо жарашыктуу болмок” – деген пикирлер да айтылды.
