Президент Садыр Жапаров бүгүн, 9-майда, Россия Федерациясына иш сапарынын алкагында Москва шаарындагы Кызыл аянтта Улуу Ата Мекендик согуштагы Жеңиштин 80 жылдыгына арналган парадга катышты. Салтанаттуу иш-чарага 10 миңге жакын адам катышып, 130дан ашык аскердик техника жана авиация тартылган. Жөө колоннага адаттагыдай эле аскерлердин ар кыл түрлөрүнүн жана бөлүктөрүнүн өкүлдөрүнөн турган полктор, батальондор жана роталар кирген. […]
Президент Садыр Жапаров бүгүн, 9-майда, Россия Федерациясына иш сапарынын алкагында Москва шаарындагы Кызыл аянтта Улуу Ата Мекендик согуштагы Жеңиштин 80 жылдыгына арналган парадга катышты.
Салтанаттуу иш-чарага 10 миңге жакын адам катышып, 130дан ашык аскердик техника жана авиация тартылган. Жөө колоннага адаттагыдай эле аскерлердин ар кыл түрлөрүнүн жана бөлүктөрүнүн өкүлдөрүнөн турган полктор, батальондор жана роталар кирген.
Парадга Кыргызстандын Куралдуу күчтөрүнүн Улуттук гвардиясы Россиянын башкы аянтында өлкөнү татыктуу көрсөтүп, денени аскерче кармоонун жана саптык даярдыктын жогорку деңгээлин көрсөтүштү.
Парадга Президент Садыр Жапаров менен бирге Беларусь лидери Александр Лукашенко, Казакстандыкы — Касым-Жомарт Токаев, Кытай лидери Си Цзиньпин, Россиянын лидери Владимир Путин, Тажикстандыкы — Эмомали Рахмон, Түркмөнстандыкы — Сердар Бердымухамедов жана Өзбекстандын лидери Шавкат Мирзиёев катышты. Ошондой эле Армения, Буркина-Фасо, Босния жана Герцеговина, Бразилия, Вьетнам, Венесуэла, Гвинея-Бисау, Египет, Зимбабве, Конго, Куба, Монголия, Мьянма, Палестина, Сербия, Словакия, Экватордук Гвинея жана Эфиопиянын мамлекет башчылары жана премьер-министрлери да чакырылган.
Параддан кийин мамлекет башчылар Россиянын президенти Владимир Путин менен бирге Александров бакчасындагы Белгисиз солдаттын мүрзөсүнө гүл коюу аземине катышышты.
