1-июлдан тарта күч органдарынын офицердик курамынын эмгек акысы орто эсеп менен 35 пайызга кбөйтүлөт. Бул тууралуу Ѳлкө башчы Садыр Жапаров бүгүн, 8-майда Улуу жеңиштин 80-жылдыгына арналган иш-чарада билдирди. Ошондой эле, контракттык кызматтагы аскер кызматчыларынын маянасы 1-ноябрдан баштап ушундай эле көбөйтүлөрү пландалап жатканын кошумчалады. «Бул аракеттер жөн гана колдоо чарасы эмес, бул – Мекенди коргоо кызматындагылардын […]
1-июлдан тарта күч органдарынын офицердик курамынын эмгек акысы орто эсеп менен 35 пайызга кбөйтүлөт. Бул тууралуу Ѳлкө башчы Садыр Жапаров бүгүн, 8-майда Улуу жеңиштин 80-жылдыгына арналган иш-чарада билдирди.
Ошондой эле, контракттык кызматтагы аскер кызматчыларынын маянасы 1-ноябрдан баштап ушундай эле көбөйтүлөрү пландалап жатканын кошумчалады.
«Бул аракеттер жөн гана колдоо чарасы эмес, бул – Мекенди коргоо кызматындагылардын күнү-түнү көз ирмебей «Эл четинде — жоо бетинде» тургандагы мээнетин баалоо болуп эсептелет. Тагыраак айтканда, биз коргонуу жөндөмдүүлүгүбүздү чыңдап жатабыз.
Кудайга шүгүр, буюрса Кыргызстаныбыздын коңшулар менен бардык чеги такталып, ар бир метр жери белгиленип, зым тартыла баштады. Биз дүйнө коомчулугуна жаңжал чыгара турган опурталдуу маселелерди тынчтык жолу менен чечсе болорун далилдедик», — деди Президент Садыр Жапаров.
