Чүй облусунун Люксембург айылында 27 жаштагы аял жарандык жолдошун бычактап өлтүргөнү тууралуу маалыматты Чүй облустук ИИБнин басма сөз кызматы билдирди. 22-февралда Ысык-Ата райондук Ички иштер бөлүмүнө Люксембург айылындагы үйлөрдүн биринен зордук-зомбулук белгиси бар 33 жаштагы эркек кишинин сөөгү табылганы тууралуу билдирүү түшкөн. Бул факты боюнча Кылмыш-жаза кодексинин «Киши өлтүрүү» беренеси менен кылмыш иши козголгон. Тергөө […]
Чүй облусунун Люксембург айылында 27 жаштагы аял жарандык жолдошун бычактап өлтүргөнү тууралуу маалыматты Чүй облустук ИИБнин басма сөз кызматы билдирди.
22-февралда Ысык-Ата райондук Ички иштер бөлүмүнө Люксембург айылындагы үйлөрдүн биринен зордук-зомбулук белгиси бар 33 жаштагы эркек кишинин сөөгү табылганы тууралуу билдирүү түшкөн.
Бул факты боюнча Кылмыш-жаза кодексинин «Киши өлтүрүү» беренеси менен кылмыш иши козголгон.
Тергөө иштеринин жүрүшүндө ошол эле күнү түнкү саат 02:30 чамасында 27 жаштагы Б.К. жана анын 33 жаштагы жарандык жолдошу М.Г. спирттик ичимдик ичип отурушкан. Ортодо чыккан чыр учурунда аял бычак колдонгон. Алган жаракатынан улам эркек киши окуя болгон жерде каза болгон.
Кылмышка шектүү аял кармалып, убактылуу кармоочу жайга киргизилди. Учурда бардык зарыл экспертизалар дайындалып, тергөө иштери уланууда.
