Сойкулукка каршы күрөшүү иштеринин алкагында Бишкектин Биринчи май районунун №8 милиция бөлүмүнүн башчысы менен Биринчи май районунун акими кызматынан бошотулду. Бул тууралуу УКМК төрагасы Камчыбек Ташиев бүгүн, 25-декабрда КР УКМКнын Чүй облусу боюнча Москва райондук бөлүмүнүн жаңы имаратынын расмий ачылыш аземинде билдирди. Анын айтымында, 10го жакын милиция кызматкерлерине, мэрия жана УКМКнын айрым кызматкерлерине катуу чаралар көрүлгөнүн […]
Сойкулукка каршы күрөшүү иштеринин алкагында Бишкектин Биринчи май районунун №8 милиция бөлүмүнүн башчысы менен Биринчи май районунун акими кызматынан бошотулду. Бул тууралуу УКМК төрагасы Камчыбек Ташиев бүгүн, 25-декабрда КР УКМКнын Чүй облусу боюнча Москва райондук бөлүмүнүн жаңы имаратынын расмий ачылыш аземинде билдирди.
Анын айтымында, 10го жакын милиция кызматкерлерине, мэрия жана УКМКнын айрым кызматкерлерине катуу чаралар көрүлгөнүн маалымдады. Мындан тышкары генерал-лейтенат К.К.Ташиев коопсуздук кызматкерлерине 2023-жылдын акыркы чоң тапшырмаларынын бири катары күрөөканалардын ишмердүүлүгүнө өзгөчө көңүл буруу талабын койду. Анткени насыяга акча берүүчү күрөөканалардын кызматын карапайым адамдар пайдаланып, алардын жогорку пайыздык үстөк кошууларын төлөй албай, жабыркап, турак жайынан, мал-мүлкүнөн ажырап жаткандыгы айтылды. Андыктан төрага Улуттук банкты өлкөдөгү күрөөканалардын ишмердүүлүгүн лицензия боюнча текшерүүгө алууга чакырып, ар бир күрөөкана үстөк пайызын 30%дан ашырбоосу керектигин билгиледи. Талапка баш ийбеген күрөөкана ээлерине мыйзам чегинде чара көрүлөөрү эскертилди.
