2023-жылдын 4-декабрында Түрк дүйнөсүнүн инженерлер жана архитекторлор союзунун жетекчилигинде, Түркиянын энергия өндүрүүчүлөр ассоциациясынын, ЭкоЕвразия Фондунун жана Кыргыз-Түрк «Манас» университетинин биргелешкен уюштуруусу менен “энергетика тармагындагы инвестиция жана кызматташтык” аттуу конференция болуп өттү. Аталган конференцияга конок катары депутат Дастанбек Жжумабеков катышкан. Эл өкүлү фейсбук баракчасына төмөндөгүлөрдү жазган: «Конференциянын алкагында Түндүк Кипр Түрк Республ
2023-жылдын 4-декабрында Түрк дүйнөсүнүн инженерлер жана архитекторлор союзунун жетекчилигинде, Түркиянын энергия өндүрүүчүлөр ассоциациясынын, ЭкоЕвразия Фондунун жана Кыргыз-Түрк «Манас» университетинин биргелешкен уюштуруусу менен “энергетика тармагындагы инвестиция жана кызматташтык” аттуу конференция болуп өттү.
Аталган конференцияга конок катары депутат Дастанбек Жжумабеков катышкан.
Эл өкүлү фейсбук баракчасына төмөндөгүлөрдү жазган: «Конференциянын алкагында Түндүк Кипр Түрк Республикасынын Президенти Эрсин Татар менен жолугушуу болуп өттү. Эки өлкөнүн ортосундагы туризмди өнүктүрүү жана Түндүк Кипр Түрк Республикасында окуп жүргөн Кыргызстандык студенттер жөнүндө сөз болду. Ошондой эле Кыргызстандын жарандарына Түндүк Кипр Түрк Республикасындагы жогорку окуу жайларга окуганга квотаны көбөйтүүнү сурандым.
Конференциянын ачылыш программасында Түндүк Кипр Түрк Республикасынын Президенти жана Түрк дүйнөсүнүн инженерлер жана архитекторлор союзунун ардактуу төрагасы Эрсин Татарга «Ардактуу доктор» наамы Түрк дүйнөсүнүн атынан ыйгарылды. Бул жогорку наам алгандыгы менен урматтуу Эрнис Татарды мырзаны чын жүрөктөн куттуктайм»,-деген ал.
