Социалдык тармактарда Ош облустук ички иштер башкармалыгынын жетекчилиги өз ара келишпестиктен мушташып жатат деген мааламат тараган. Бул кызуу талкууга алынып жаткан окуя 2023-жылдын 23-ноябрда Ош шаарындагы көп кабаттуу үйдүн алдында болгондугу такталып, Кыргыз Республикасынын ИИМдин ИИКнын Ош шаары жана Ош облусу боюнча ИИБү тарабынан аталган окуя боюнча материалдар Ош ШИИБнын мааламаттардын электрондук журналына катталып, тергөөгө […]
Социалдык тармактарда Ош облустук ички иштер башкармалыгынын жетекчилиги өз ара келишпестиктен мушташып жатат деген мааламат тараган. Бул кызуу талкууга алынып жаткан окуя 2023-жылдын 23-ноябрда Ош шаарындагы көп кабаттуу үйдүн алдында болгондугу такталып, Кыргыз Республикасынын ИИМдин ИИКнын Ош шаары жана Ош облусу боюнча ИИБү тарабынан аталган окуя боюнча материалдар Ош ШИИБнын мааламаттардын электрондук журналына катталып, тергөөгө чейинки текшерүү жүргүзүлүүдө.ИИМдин Басма сөз кызматы билдиргендей, бул факты боюнча окуя болгон жерге тергөө ыкчам тобу жана ички иликтөө кызматкерлери менен биргеликте чыгып, окуя болгон жерге кароо жүргүзүлүп, далил зат катарында канга окшогон кызыл түстөгү тактардын үлгүлөрү алынган. Андан сырткары, аталган көп кабаттуу үйдө орнотулган видеокамералардан видеодалилдер алынган.Ош ОИИБнын окуяга тиешеси бар жетекчилик курамдагы кызматкерлерине карата соттук-медициналык экспертиза жана башка тиешелүү соттук экспертизалар дайындалып, аларды жана башка кошумча күбө адамдарды тактап, аларды суракка алуу үчүн Тергөө кызматына камсыз кылуу боюнча тиешелүү кызматтарга атайын тапшырмалар жиберилди.Кыргыз Республикасынын ИИМдин Ички иликтөө кызматытынын кызматтык иликтөөсүнүн жыйынтыгы менен Кыргыз Республикасынын укук коргоо органдарынын Тартиптик уставынын айрым пункттарынын талаптарын одоно түрдө бузгандыгы, башкача айтканда кол алдында кызмат өтөгөн кызматкерлерге мыйзамдуулукту жана кызматтык тартипти так сактоо боюнча жетиштүү деңгээлде тарбия иштеринин жана көзөмөл жүргүзбөгөндүгүнүн натыйжасында Ош ОИИБдин жетекчи курамынын кызматкерлери пикир келишпестик менен өз ара мушташкан жоруктары коомчулукта талкууга алынып, ИИО кызматкерлеринин аброюна шек келтирилгендиги үчүн Ош ОИИБнын башчысы милициянын полковниги Жеңиш Жоробековго “кызматка толук эмес ылайыктыгы жөнүндө” эскертүү тартип жазасы берилди. Ал эми окуяга түздөн-түз тиешеси бар Ош ОИИБнын башчысынын ыкчам иштери боюнча орун басары милициянын полковниги Алмаз Усеналиев жана Ош ОИИБнын коомдук коопсуздук боюнча орун басары милициянын полковниги Салмоорбек Шералиев, Ош ОИИБдин башчысынын кадр иштери боюнча орун басары милициянын полковниги Улан Асанбаев ээлеген кызматынан бошотулду.Бул окуя боюнча топтолгон материал тийиштүү органдарга жиберилип, юридикалык баа берилет.Кызматкерлердин бул жүрүм-туруму кызматтык милдеттерин ак ниеттүүлүк менен аткаруу принциптерин бузган. Ички иштер министрлиги өздүк курамдын адеп-ахлаксыз жүрүм-турумуна эч кандай сабырдуулук менен мамиле кылбайт. Бул ведомствонун ишиндеги артыкчылыктуу багыттардын бири экенин баса белгилейт. Милиция кызматкерлеринин ушул сыяктуу жүрүм-турумуна мыйзам чегинде эң олуттуу жана катаал мамиле кылынат.
