Бишкектеги №94 кесиптик лицейинде эки компьютердик кабинеттен турган IT тармагы боюнча окуу борбору жана заманбап турмуш-тиричилик техникалары менен жабдылган “Акылдуу үй” окуу борбору ачылды. Бул тууралуу Билим берүү жана илим министрлиги билдирет. Окуу борборлору Kорей эл аралык кызматташтык агенттиги (KOIСА) менен кызматташуунун алкагында жабдылган. Иш-чарага KOIСAнын, Билим берүү жана илим министрлигинин, Республикалык илимий-усулдук борбордун өкүлдөрү, […]
Бишкектеги №94 кесиптик лицейинде эки компьютердик кабинеттен турган IT тармагы боюнча окуу борбору жана заманбап турмуш-тиричилик техникалары менен жабдылган “Акылдуу үй” окуу борбору ачылды. Бул тууралуу Билим берүү жана илим министрлиги билдирет.
Окуу борборлору Kорей эл аралык кызматташтык агенттиги (KOIСА) менен кызматташуунун алкагында жабдылган.
Иш-чарага KOIСAнын, Билим берүү жана илим министрлигинин, Республикалык илимий-усулдук борбордун өкүлдөрү, айрым өнөктөштөр жана кесиптик лицейлердин директорлору катышышты.
Иш-чаранын жүрүшүндө Kорей эл аралык кызматташтык агенттигинин ыктыярчылык программасы боюнча жүргүзүлүп жаткан эки тараптуу иштер тааныштырылды.
Кореялык ыктыярчылардын бири “Акылдуу үй” окуу борборундагы заманбап тиричилик техникаларын демонстрациялап көрсөтүп, турмуш-тиричилик техникаларын оңдоо боюнча слесарь-электриктер тайпасынын окуучулары менен бирдикте жасаган иштери менен тааныштырды.
Ошондой эле лицейдин бычмачы-тикмечи жана чач-тарач бөлүмдөрүндө окуган окуучулардын өз колдору менен даярдалган кийим жана чач жасалгалар көргөзмөсү болду.
