Эки жыл аралыгында иш менен камсыз кылуу кызматтары 60 миңден ашык адамга жумуш таап берген. Кыргызстанда эки жыл ичинде жумушсуздардын саны 7,7 пайызга кыскарды. Бул тууралуу эмгек, социалдык камсыздоо жана миграция министри Гүлнара Баатырова «Жакырчылык жана теңсиздик» улуттук өнүктүрүү форумунда билдирди. «Акыркы эки жылда республикада жумушсуздардын саны 7,7 пайызга, ал эми расмий жумушсуздук 0,3 пайызга […]
Эки жыл аралыгында иш менен камсыз кылуу кызматтары 60 миңден ашык адамга жумуш таап берген.
Кыргызстанда эки жыл ичинде жумушсуздардын саны 7,7 пайызга кыскарды. Бул тууралуу эмгек, социалдык камсыздоо жана миграция министри Гүлнара Баатырова «Жакырчылык жана теңсиздик» улуттук өнүктүрүү форумунда билдирди.
«Акыркы эки жылда республикада жумушсуздардын саны 7,7 пайызга, ал эми расмий жумушсуздук 0,3 пайызга кыскарды. Аны менен катар калкты ишке орноштуруу жана кесипке багыт берүү жаатында аткарылган иштердин натыйжасында элди жумуш менен камсыз кылуу көрсөткүчтөрү жакшырды. Эки жыл аралыгында иш менен камсыз кылуу кызматтары 60 миңден ашык адамга жумуш таап берди», — деген Баатырова.
Министр «Социалдык контракт» программасынын алкагында аз камсыз болгон 13 миң үй-бүлө жеке бизнесин ачып, туруктуу киреше менен гана чектелбестен, өздөрү да жумуш орундарын түзө баштаганын кошумчалаган.
