Эрдогандын уулу Билал соттогу жеңишин “Vefa” соода борборунда белгилегендигин жактоочу Айгерим Берекешева социалдык тармактагы баракчасына жазды. «Кызык жери бул иш боюнча акыркы чечим чыга элек. Эске сала кетсек, “Вефа” соода борбору боюнча сот 23-октябрда Жогорку Сотто өтүп, соттук коллегия чечим чыгаруу үчүн кеңешүү бөлмөсүнөн чыга элек. Жакында эле социалдык тармактардагы ачык булактардан Түркиянын президенти Режеп […]
Эрдогандын уулу Билал соттогу жеңишин “Vefa” соода борборунда белгилегендигин жактоочу Айгерим Берекешева социалдык тармактагы баракчасына жазды.
«Кызык жери бул иш боюнча акыркы чечим чыга элек.
Эске сала кетсек, “Вефа” соода борбору боюнча сот 23-октябрда Жогорку Сотто өтүп, соттук коллегия чечим чыгаруу үчүн кеңешүү бөлмөсүнөн чыга элек.
Жакында эле социалдык тармактардагы ачык булактардан Түркиянын президенти Режеп Тайып Эрдогандын уулу Билал Бишкекке келгени белгилүү болду. Анын сапары расмий түрдө эч жерде жарыяланган эмес, бирок күбөлөрдүн айтымында, ал Түркиянын элчиси менен бирге «Вефа» соода борборунун имаратын текшерген.
Бейрасмий маалыматтарга караганда, Билал Эрдогандын мүлктөрүн кыдырууга Кыргызстандын жогорку даражалуу аткаминеринин уулу катышкан.
Белгилей кетсек, Жогорку Сотто өтүп жаткан сот жараянында кыргыз тарап Түркия Республикасынан түрктөрдүн негизги далилдерин толугу менен жок кылган документтерди берген»,-деп жазган ал.
Жактоочунун сөзүнө таянсак, кептин баары бул жакта жаткан тура. Мындай көрүнүш менен Кыргызстандын сот системасы талкаланганбы же биздин Жогорку соттун чечимин күтпөстөн түрк тарап өздөрүн өздөрү билип, жеңишин майрамдаган болуп калабы…
Маалымат үчүн:
Барыбызга белгилүү болгон Вефа бизнес борборунун айланасындагы чыр 6 жылдан бери бүтпөй келет.Аталган соода борбордун ээси бул борборду түрк бизнесмендерден сатып алган. Учурда түрк мамлекети бизнес борборун талашууда.Биринчи май райондук соту борбордун ээси жок эле ишти түрк тараптын кызыкчылыгына сырттан чечип коюшкан. Соттун чечимине нааразы болгон Вефа борборунун ээси Умсун Назарбекова УКМКнын төрагасы Камчыбек Ташиевге кайрылуу жасаган.
Назарбекова: Сотторго ишенбейм. Акыркы үмүтүм Ташиевде. Вефа бизнес борбору талашта
