Кыргызстанда өлкөнүн мамлекеттик символдорунун бири болгон мамлекеттик желекти өзгөртүү сунушталууда. Тиешелүү мыйзам долбоору коомдук талкууга коюлду. Демилгечилер мыйзам долбоору тууну жакшыртууга багытталганын белгилешүүдө. Ал арада коомчулукта желекти өзгөртүү маселеси кызуу талкууланууда. Буга байланыштуу президент Садыр Жапаров “Кабар” агенттигине өз пикирин билдирди. «Жалпысынан мен бул идеяны колдойм. Буга чейин коомчулукта желегибиз күн карамага окшош экен деген […]
Кыргызстанда өлкөнүн мамлекеттик символдорунун бири болгон мамлекеттик желекти өзгөртүү сунушталууда. Тиешелүү мыйзам долбоору коомдук талкууга коюлду. Демилгечилер мыйзам долбоору тууну жакшыртууга багытталганын белгилешүүдө. Ал арада коомчулукта желекти өзгөртүү маселеси кызуу талкууланууда. Буга байланыштуу президент Садыр Жапаров “Кабар” агенттигине өз пикирин билдирди.
«Жалпысынан мен бул идеяны колдойм. Буга чейин коомчулукта желегибиз күн карамага окшош экен деген пикир активдүү айтылып келген. Алтургай бизге келген чет элдиктер биздин өлкөдө күн карама көп өсөт окшойт деп айткан учурлар болгон. Чынын айтсам, эгемендүүлүктү алгандан бери биз тышкы дүйнөгө абдан көз каранды болуп калдык. Андыктан, балким, желегибиздин сырткы көрүнүшүн кайра карап чыгууга убакыт келгендир. Мамлекеттик желектин элементтерине айрым өзгөртүүлөр киргизилген мындай практика дүйнөнүн көптөгөн өлкөлөрүндө бар».-деген президент.
