Мыйзамсыз миграциялык каналдын уюштуруучусуна 1700 АКШ доллары өлчөмүндөгү акча каражатын которуп жаткан учурда КР жараны Б.А.М. кармалды. УКМК билдиргендей, 2023-жылдын 11-октябрда УКМК тарабынан Пакистандын жарандарын Кыргызстандын мамлекеттик чек арасы аркылуу Казакстан тарапка кызматтык өткөрүү пункттарын айланып өтүү фактылары боюнча жүргүзүлгөн ыкчам-издөө иш-чараларынын жүрүшүндө 1983-жылы туулган Э.Б.И. аттуу КР жараны Чүй облусунун аймагынан кармалды. 2023-жылдын 12-октябрында […
Мыйзамсыз миграциялык каналдын уюштуруучусуна 1700 АКШ доллары өлчөмүндөгү акча каражатын которуп жаткан учурда КР жараны Б.А.М. кармалды.
УКМК билдиргендей, 2023-жылдын 11-октябрда УКМК тарабынан Пакистандын жарандарын Кыргызстандын мамлекеттик чек арасы аркылуу Казакстан тарапка кызматтык өткөрүү пункттарын айланып өтүү фактылары боюнча жүргүзүлгөн ыкчам-издөө иш-чараларынын жүрүшүндө 1983-жылы туулган Э.Б.И. аттуу КР жараны Чүй облусунун аймагынан кармалды.
2023-жылдын 12-октябрында «Мыйзамсыз миграцияны уюштуруу, мигранттарды мыйзамсыз алып келүү жана алып чыгуу» беренесиин негизинде кылмыш иши козголуп, Жалал-Абад облусунун аймагында мыйзамсыз миграциялык каналды уюштуруучуга 1700 АКШ доллары өлчөмүндө акча каражаттарын которууда, 1982-жылы туулган Б.А.М. аттуу КР жараны кармалды, алар Октябрь райондук сотунун чечими менен 2 айлык мөөнөткө Бишкек шаарындагы №1 тергөө камак жайына киргизилди.
Учурда КР мамлекеттик чек арасы аркылуу чет элдик жарандарды мыйзамсыз алып өтүүгө тиешеси бар башка адамдарды аныктоо боюнча тиешелүү ыкчам-иликтөө иш-чаралары жүргүзүлүүдө.
