Эки баласы менен өлтүрүлгөн келиндин 82 жаштагы энеси сот кайдыгер мамиле жасап жатканын айтып кайрылуу жасады: “Мына 8 айдан өтүп 9 ай болуп калды, ар бир сотко барганда мен даяр эмесмин, мен ооруп жатам деп соттук иштен баш тартып жатты Ашыралиев. Ал оорубай жакшы эле жүрөт. Башында кылмышты мойнуна алып эми албайм деп жатат. Законго […]
Эки баласы менен өлтүрүлгөн келиндин 82 жаштагы энеси сот кайдыгер мамиле жасап жатканын айтып кайрылуу жасады:
“Мына 8 айдан өтүп 9 ай болуп калды, ар бир сотко барганда мен даяр эмесмин, мен ооруп жатам деп соттук иштен баш тартып жатты Ашыралиев. Ал оорубай жакшы эле жүрөт. Башында кылмышты мойнуна алып эми албайм деп жатат. Законго таянып мен унчукпай отурдум. Анын айткан сөзүнө жооп берсем болот эле бирок мен закон үчүн унчуккан жокмун. Кызым менен мамилеси аябай жакшы эле менин кызым аны аябай жакшы көрчү. Алар жашыруун үйлөнүшкөн, ортосунда бир баласы бар. Ашыралиев өзүн акташ үчүн менин балам эмес, байланышым жок деп танып жатат. Менин нааразы болгонум 9 айдан бери сот болбой жатат. Бул нерсе Камчыбек Ташиев менен Садыр Жапаровго жетсин. Мен 82 жаштамын алыскы Баткен облусунан бери келем, анан соттук отурум болот деп 10 күн сайын чакыртып кайра жылдырып жатышат” — дейт маркумдун апасы.
Буга чейин, Бишкек шаарында эки балалуу аялды мыкаачылык менен өлтүргөн үрөй учурган кылмышка шектүү деп 36 жаштагы жаран кармалган. Шектүү 2021-жылы Жогорку Кеңешке депутаттыкка талапкерлигин койгону, жана УКМКнын мурдагы кызматкери экени маалым болгон.
