Ош облусунун аймагында улуттар аралык касташууларды болтурбоо, трансулуттук коркунучтардын жана үй-бүлөлүк зордук-зомбулуктун, жаштардын диний-экстремизмге тартылуусун алдан алуу максатында комплекстүү окуу-семинар башталды. Маалыматты Ош ОИИБдин Басма сөз кызматы билдирди. Бул иш-чарага жергиликтүү бийлик өкүлдөрү, укук коргоо органдары, социалдык мекемелер, орто мектептердин директорлору, имамдар жана бей өкмөт уюмдар катышышты.Семинар учурунда катышуучуларга видео-слайд сабактар өткөрүлүп, мы
Ош облусунун аймагында улуттар аралык касташууларды болтурбоо, трансулуттук коркунучтардын жана үй-бүлөлүк зордук-зомбулуктун, жаштардын диний-экстремизмге тартылуусун алдан алуу максатында комплекстүү окуу-семинар башталды. Маалыматты Ош ОИИБдин Басма сөз кызматы билдирди. Бул иш-чарага жергиликтүү бийлик өкүлдөрү, укук коргоо органдары, социалдык мекемелер, орто мектептердин директорлору, имамдар жана бей өкмөт уюмдар катышышты.Семинар учурунда катышуучуларга видео-слайд сабактар өткөрүлүп, мындан сырткары атайын сахналаштырылган көрсөтүлөр коюлуп, мыйзамдуу укуктук ченемдерге таянган профилактикалык түшүндүрмөлөр берилди.Ал эми Кыргыз Республикасынын Президентинин Ош облусу боюнча ыйгарым укуктуу өкүлү Элчибек Жантаев өз сөзүндө: жергиликтүү бийлик өкүлдөрүнө кайрылып, кылмыштуулук менен күрөшүү, коомдук коопсуздукту сактоо бир гана милиция кызматкерлери эмес, жалпыбыздын жоопкерчилигибиз жана милдетибиз экендигин баса белгилеп кетти.Иш-чаранын жыйынтыгында окуу-семинарга катышкан айыл өкмөттөрдөн келген, милиция кызматкерлери менен тыгыз байланышта болуп, биргеликте иш алып барган жарандар Кыргыз Республикасынын ИИМдин сыйлыктары менен сыйланышты.Бүгүнкү иш-чара “С. Ибраимов” жана “Бабур” атындагы драма театрларында өткөрүлүп жатат. Бул иш-чара Ош облусунун бардык аймагында өткөрүлөт.
