Адам каза болгондон кийин анын киши колдуу болушуна шек саналбаган учурда патологиялык-анатомиялык союуну милдеттендирген талапты алып салуу сунушталды. Мыйзам долбоорун Жогорку Кеңештин депутаты Лейла Лурова демилгелеп, коомдук талкууга койду. Эл өкүлү «Жарандардын саламаттыгын сактоо жөнүндө» мыйзамынын 46-беренесинде маркумдун киши колдуу болушунан шек саналбаса патологиялык-анатомиялык союу жүргүзбөө тартиби бюрократиялашып кеткенин айтат. Тагыраагы, аны үчүн үй-бүлө мүчөлөрүнүн, [
Адам каза болгондон кийин анын киши колдуу болушуна шек саналбаган учурда патологиялык-анатомиялык союуну милдеттендирген талапты алып салуу сунушталды. Мыйзам долбоорун Жогорку Кеңештин депутаты Лейла Лурова демилгелеп, коомдук талкууга койду.
Эл өкүлү «Жарандардын саламаттыгын сактоо жөнүндө» мыйзамынын 46-беренесинде маркумдун киши колдуу болушунан шек саналбаса патологиялык-анатомиялык союу жүргүзбөө тартиби бюрократиялашып кеткенин айтат. Тагыраагы, аны үчүн үй-бүлө мүчөлөрүнүн, жакын туугандарынын же мыйзамдуу өкүлүнүн жазуу жүзүндөгү арызы, болбосо өзүнүн тирүү кезинде калтырып кеткен керээзи болушу керек.
«Өлүм — ар бирибизди күтүп жаткан нерсе. Адам көз жумгандан кийин жакындары кайгыга батып, кабыргасы кайышып турганда түрдүү бюрократиялык аракеттерди ойлонгусу да, аларга убакыт короткусу да келбей калат. Ошондуктан маркумдун киши колдуу болуп өлгөнүнөн шек саналбаган учурда патологиялык-анатомиялык союу жүргүзбөөгө мүмкүнчүлүк берүү демилгеленди», — деп жазылган мыйзам долбоорунун негиздемесинде.
Өлүктү союуну милдеттүү түрдө жүргүзүү тартиби саламаттык сактоо жаатындагы ыйгарым укуктуу мамлекеттик орган тарабынан аныкталат.
Булак: Спутник кж
