Ысык-Көл облусунун Түп районуна караштуу Сары-Булак айылындагы мектебинде билим алган 5-класстын окуучусу Бекболот Турдушев изделүүдө. Бул тууралуу Ысык-Көл ОИИБдин басма сөз кызматы билдирди. Маалыматка караганда, кечээ, 26-сентябрь күнү шаардык ички иштер бөлүмүнө Түп районунун 1965-жылы туулган тургуну Ч.Ожеков кайрылып, 25-сентябрь күнү уулу Бекболот менен «Алтын-Көл» тойканасында болушканын, ошол эле күнү саат 15:00 чамасында уулу Каракол […]
Ысык-Көл облусунун Түп районуна караштуу Сары-Булак айылындагы мектебинде билим алган 5-класстын окуучусу Бекболот Турдушев изделүүдө. Бул тууралуу Ысык-Көл ОИИБдин басма сөз кызматы билдирди.
Маалыматка караганда, кечээ, 26-сентябрь күнү шаардык ички иштер бөлүмүнө Түп районунун 1965-жылы туулган тургуну Ч.Ожеков кайрылып, 25-сентябрь күнү уулу Бекболот менен «Алтын-Көл» тойканасында болушканын, ошол эле күнү саат 15:00 чамасында уулу Каракол шаарындагы дос балдарына жолуугу үчүн суранып кетип, ошондон бери дайынсыз болуп жатканын кабарлаган.
Бул факт Каракол ШИИБдин маалыматтык электрондук журналына катталып, издөө иштери уланууда.
Бекболот Турдушев 2021-жылы президент Садыр Жапаровго кайрылып, Түп районунун Балбай айылына мектеп, бала бакча куруп берүүнү суранып, кийин аны менен жолугушкан.
