Президент Садыр Жапаров Нью-Йорк шаарына болгон иш сапарынын алкагында Эл аралык валюта фондунун (ЭВФ) башкаруучу-директору Кристалина Георгиева менен жолугушту.ЭВФ менен өз ара пайдалуу кызматташтыкты мындан ары кеңейтүү, ошондой эле глобалдык экономикалык кырдаалды өнүктүрүү маселелери талкууланды.Мамлекет башчысы Кыргызстан ЭВФ менен кызматташууга чоң маани берерин, ал структуралык реформаларды алга жылдырууга жана жалпысынан өлкөнүн экономикасын өнүктүрүүгө ар дайым […]
Президент Садыр Жапаров Нью-Йорк шаарына болгон иш сапарынын алкагында Эл аралык валюта фондунун (ЭВФ) башкаруучу-директору Кристалина Георгиева менен жолугушту.ЭВФ менен өз ара пайдалуу кызматташтыкты мындан ары кеңейтүү, ошондой эле глобалдык экономикалык кырдаалды өнүктүрүү маселелери талкууланды.Мамлекет башчысы Кыргызстан ЭВФ менен кызматташууга чоң маани берерин, ал структуралык реформаларды алга жылдырууга жана жалпысынан өлкөнүн экономикасын өнүктүрүүгө ар дайым колдоо көрсөтөөрүн белгиледи.Садыр Жапаров акыркы жылдары климаттын өзгөрүшүнүн кесепеттери дүйнө жүзү боюнча көбүрөөк байкалып жатканын баса белгиледи. Бул маселе глобалдык күн тартибиннин орчундуу маселеси жана жашыл экономикага өтүү үчүн структуралык жылыштарды талап кылат.Баарлашуунун жүрүшүндө президент Кыргызстандын энергетика секторуна өзгөчө көңүл буруп, жакынкы 5 жылда кубаттуулукту кыйла жогорулатуу жана жаңы ГЭСтерди куруу менен негизги генерациялоочу кубаттуулуктарды реконструкциялоо боюнча масштабдуу долбоорлордун бүтүндөй программасы ишке ашырыларын белгиледи.Мамлекет башчысы бүгүнкү күндө Кыргызстан өлкөнүн суу-энергетикалык ресурстарынын 13% гана пайдаланарын, ошол эле учурда суу ресурстарына бай өлкө экенин белгиледи. Мамлекет өз күчү жана инвесторлордун жардамы менен жакынкы жылдары өлкө аймагында 50дөн 100гө чейинки чакан ГЭСтерди, анын ичинен жылдын аягына чейин 16сын ишке киргизет.Бул контекстте Садыр Жапаров Кыргызстандын «жашыл» демилгелерди, анын ичинде эл аралык уюмдар менен аларды өнүктүрүүгө кызыкдар экенине басым жасады.Мындан тышкары, ал санариптештирүү жаатындагы маселеге токтолуп, акыркы жылдары Кыргызстанда, башка көптөгөн өнүгүп келе жаткан өлкөлөрдөгүдөй эле, каржы секторуна санариптик технологияларды киргизүүнүн туруктуу тенденциясы байкалууда деп белгиледи.Президент Садыр Жапаров Фонддун бул багытта жүргүзүп жаткан иштерин жогору баалап, келечекте ЭВФ менен тыгыз кызматташууга ишенимин билдирди.Садыр Жапаров менен саламдашууда Кристалина Георгиева Президент менен жеке жолугушуу жана ЭВФтин Кыргызстан менен өз ара пайдалуу кызматташтыгын мындан ары кеңейтүүнү талкуулоо мүмкүнчүлүгүн канааттануу менен белгиледи.Ал ЭВФтин кыргыз тарап менен кызматташууну мындан ары да күчөтүү ниетин белгилеп, өлкөдө жүрүп жаткан реформалардын жыйынтыктарына жогору баа берди.Санариптештирүү чөйрөсүн талкуулоодо ЭВФтин башкаруучу-директору адам жашоосунун бардык тармактарына санариптик технологияларды киргизүүнүн маанилүүлүгүн баса белгиледи. Анткени тез санариптештирүү бизнесте да жаңы мүмкүнчүлүктөрдү ачат.Мындан тышкары, Кристалина Георгиева Кыргызстан климаттын өзгөрүшүнө көңүл буруп жатканын канааттануу менен белгиледи.Ал ЭВФ климат маселеси менен алектенгенин жана уюмдун мүчөлөрү үчүн бул маанилүү экенин баса белгиледи.Бул контекстте Кристалина Георгиева ЭВФтин адистери кыргыз тарап менен биргеликте бул көйгөйгө кененирээк көңүл бурууга даяр экендигин маалымдады.Жыйынтыгында тараптар ЭВФ менен түзүлгөн келишимдердин алкагында жүргүзүлүп жаткан экономикалык жана социалдык реформалардын комплекстүү программасын ишке ашырууга багытталган натыйжалуу кызматташууну күчөтүү жөнүндө макулдашты.
