31-август Кыргыз Республикасынын Эгемендүүлүк күнү жана 1-сентябрь Билим күнүндө жаңы Jong Tong автобустары менен жүрүү акысыз болот. Бишкек мэриясы билдиргендей, мындай жакшы иш-чара майрамдардын урматына демилгеленген. Борбор калаанын тургундары жана коноктору КР Президенти Садыр Жапаровдун атынан сатып алынган муниципалдык коомдук транспортто эки күн бекер жүрө алышат. Жаңы линиялар менен жүргөн No 15, № 51, № […]
31-август Кыргыз Республикасынын Эгемендүүлүк күнү жана 1-сентябрь Билим күнүндө жаңы Jong Tong автобустары менен жүрүү акысыз болот.
Бишкек мэриясы билдиргендей, мындай жакшы иш-чара майрамдардын урматына демилгеленген. Борбор калаанын тургундары жана коноктору КР Президенти Садыр Жапаровдун атынан сатып алынган муниципалдык коомдук транспортто эки күн бекер жүрө алышат.
Жаңы линиялар менен жүргөн No 15, № 51, № 52 автобустарга бекер жүрүүгө болот. Ошондой эле №100, №105, №152, №195, №32 каттамдары жаңы автобустук каттамдарга алмаштырылды.
Эске салсак, майрамдык концерт Ала-Тоонун аянтында өтүп, ал түн ортосуна жакын аяктайт.
Буга байланыштуу борбор калаанын жарандарынын жана конокторунун ыңгайлуулугу үчүн коомдук транспорттун иштөөсү саат 01:00гө чейин узартылды.Ошондой эле майрамдык иш-чаралар өтүүчү жайларда жол убактылуу жабылгандыктан, айрым каттамдардын кыймылы жарым-жартылай өзгөрөт.
Шаар тургундары иш-чарадан кийин үйлөрүнө оңой жете алышат.
2023-жылдын 1-сентябрынан тарта бардык шаардык коомдук транспорт кадимки режимде иштейт.
